CANSON DA CHEULLIA

(M.Cappello - A.Margutti)

L'é pasòu za tànti ànni

de quànd'êa ancón pivèllo

quéllo ténpo coscì bèllo

chi mâi ciû sò-u peu scordâ

quàndi-andâva into caróggio

a demoâme co-i gardétti

êmo di mascarsonétti

che asetæ no poéivan stâ

Me ne andâva alôa a schêua

ma-e ciù vòtte me-a fugîva

e formâva a comitîva

se n'andâvimo a bagnâ

in sci màcchi a-o Pàsso Nêuo

a Sàn Pê lazù da-a Fôxe

Òua cànto sótto vôxe

quést'antîga mæ cansón

Chéulia dónde t'ê?

me ricòrdo a mæ cazétta

de quànd'êa anco-ìn figeu

Chéulia dónde t'ê?

t'ê o ricòrdo mæ ciù câo

che ascordâse no se peu

Chéulia dónde t'ê?

coî patæli, quàttro stràsse

e a fasciêua pe-o figeu

mi daiéiva a mæ fortùnn-a

pe rivédde i mæ caróggi

e mæ stràsse, i mæ strofóggi

che me stâvan tànto a-o cheu.

Fæto pöi 'n pö ciù grànde

me n'andâva a l'Acasêua

co-i figeu zugâmo a l'êua

co-e figétte da mæ etæ

Asetæ in scî scæn de pòrte

se demoâvimo a-e bædìnn-e

e che e ziàrdoe fûsan mìnn-e

 s'occupâmo con piaxéi

A-i mæ ténpi quàndi-a pòrta

a s'arvîva co-o spaghétto

e a-a séia fîto in létto

ne metéivan a dormî

Cöse són quéste palànche

cöse sèrvan a 'n vegétto

se a seu casa meschinétto

fòrse o no vediâ mâi ciù

Chéulia dónde t'ê?

me ricòrdo a mæ cazétta

de quànd'êa anco-ìn figeu

Chéulia dónde t'ê?

t'ê o ricòrdo mæ ciù câo

che ascordâse no se peu

Chéulia dónde t'ê?

coî patæli, quàttro stràsse

e a fasciêua pe-o figeu

mi daiéiva a mæ fortùnn-a

pe rivédde i mæ caróggi

e mæ stràsse, i mæ strofóggi

che me stâvan tànto a-o cheu.

ITALIANO: LA CANZONE DI CHEULLIA

Son passati tanti anni

da quando ero ragazzetto;

quel tempo così bello

che mai più si puo scordare?

Quando andavo nel vicolo

a divertirmi coi ragazzi

eravamo gran mascalzonetti

che non potevamo stare seduti.

Andavo allora a scuola male

più volte marinavo

e formavo la comitiva;

ce ne andavamo a nuotare.

Sugli scogli al Passo Nuovo,

a San pietro laggiù alla Foce,

ora canto sottovoce

questa antica mia canzone:

Cheullia dove sei?

mi ricordo al mia casetta

di quando ero ancora bambino!

Cheullia, dove sei?

Sei il ricordo mio più caro.

che scordarti non si può.

Cheullia, dove sei?

Coi panni e quattro stracci

e la fasci per il bambino.

Io darei la mia fortuna

per rivedere i miei vicoli,

e miei stracci le mie anticaglie

che mi stavano nel cuore.

Fatto poi un po' più grande

e me ne andavo all'Acquasola;

coi ragazzi giocavo a nascondino

e le ragazze della mia età.

Seduti sui gradini delle porte

giocavamo ai sassi,

 e che le trottole fossero veloci

ci preoccupavamo con piacere.

Ai miei tempi quando la porta

si apriva con la funicella,

e la sera presto a letto

ci mettevano a dormire!

Che cosa sono questi soldi,

a che servono ad un vecchietto,

se la sua casa, poveretto,

forse non la vedrà mai più?